अभ्यासाचं तंत्र

आज पेपर मध्ये एक जाहिरात पाहिली.

भूपेश दवे ह्यांची प्रभावी अभ्यासाची गुरुकिल्ली
जरा वेळ होता (तो नेहेमीच असतो, पेपर वचण्याशिवाय इतर उद्योग काय? इति बायको) म्हणून डिटेल मध्ये पाहिली तर त्यात लिहिलं होतं

• रूट चार्ट
• स्पेल्स च्यान्ट
• च्यालेन्ज स्मरणशक्ती - मोठी उत्तरे लक्षात ठेवण्यासाठी
• प्री-एक्झाम स्मरणशक्ती
• प्रभावी वाचन
  

अगं बाबो ! बरं झालं आम्ही काही वर्षांपूर्वी जन्माला आलो नाहीतर ह्या पैकी काहीही येत नसताना कसे काय शिकलो असतो देव जाणे M.Tech वगरे होणं तर सोडूनच द्या.

थोडक्यात काय तर उत्तर देता येणं हे अपेक्षितच नाहिये, उत्तर हे लक्षात ठेवून जसं च्या तसं उतरवता येणं हे महत्त्वाचं आहे.

आमच्या वेळी आम्हाला परीक्षा कधी संपणार हे लक्षात असायचं. आजकालच्या मुलांना काय काय लक्षात ठेवावं लागत असेल? छोटे प्रश्न, छोटी उत्तरं, मोठे प्रश्न, मोठी उत्तरं, मग कोणती उत्तरं कोणत्या प्रश्नांची आहेत हे म्यापिंग लक्षात ठेवायचं म्हणजे कठिणच आहे. कशी देवादूतान्सारखी आहेत ही दवे आणि इतर माणसं.